چنڈی گڑھ، 20جنوری(ایس او نیوز/آئی این ایس انڈیا)کانگریس میں شامل ہونے کے بعد نوجوت سنگھ سدھو نے جمعہ کو بادل حکومت کے خلاف وہائٹ پیپر جاری کیالیکن یہ تمام الزامات پہلے کی طرح سکھبیر بادل اور پرکاش سنگھ بادل پر ہی مرکوز رہے۔نوجوت سنگھ سدھو نے بادل خاندان کو تو نشانہ بنایالیکن بی جے پی اور عام آدمی پارٹی سے متعلق سوالات پر وہ بچتے رہے۔آج کی پریس کانفرنس کے دوران سدھو نے اس وہائٹ پیپر کی تشہیرلانبی، جلال آباد اور مجیٹھا میں جا کر کرنے کی بات تو کہی لیکن بی جے پی کے حمایت یافتہ امیدواروں کی نشستوں پر جانے سے متعلق سوال کو ٹال دیا۔سدھو نے عام آدمی پارٹی اور کجریوال سے متعلق سوالات پر صرف اتنا ہی جواب دیا کہ انہوں نے نائب وزیر اعلی کا عہدہ دینے کی بات کہی تھی جسے انہوں نے قبول نہیں کیا۔